തപാൽ വകുപ്പിൽ ജോലി; 50 വയസുവരെയുള്ളവർക്ക് ഇൻഷുറൻസ്
ഏജന്റ്, ഫീൽഡ് ഓഫീസർ ആകാം
പോസ്റ്റൽ ലൈഫ് ഇൻഷുറസ് / ഗ്രാമീണ പോസ്റ്റൽ ലൈഫ് ഇൻഷുറൻസ് വിപണനത്തിനായി കമ്മിഷൻ വ്യവസ്ഥയിലായിരിക്കും നിയമനം. 18 വയസിനും 50 വയസിനും ഇടയിൽ പ്രായമുള്ളവർക്ക് അപേക്ഷിക്കാം
ഹൈലൈറ്റ്:
· മുൻ ഇൻഷുറൻസ് ഏജന്റുമാർ, ആർ.ഡി ഏജന്റുമാർ തുടങ്ങിയവർക്ക് മുൻഗണന
· അപേക്ഷിക്കാനുള്ള ഉയർന്ന പ്രായപരിധി 50 വയസ്
· അപേക്ഷ ലഭിക്കാനുള്ള അവസാന തീയതി മേയ് 5"
കോഴിക്കോട് പോസ്റ്റൽ ഡിവിഷനിൽ പോസ്റ്റൽ ലൈഫ് ഇൻഷുറസ് / ഗ്രാമീണ പോസ്റ്റൽ ലൈഫ് ഇൻഷുറൻസ് വിപണനത്തിനായി കമ്മിഷൻ വ്യവസ്ഥയിൽ 18 വയസ്സിനും 50 വയസ്സിനും ഇടയിൽ പ്രായമുള്ള തൊഴിൽ രഹിതർ, സ്വയം തൊഴിൽ ചെയ്യുന്ന യുവതീ യുവാക്കൾ തുടങ്ങിയവരെ ഡയറക്ട് ഏജന്റ് ആയും 65 വയസ്സിൽ താഴെയുള്ള കേന്ദ്ര, സംസ്ഥാന സർവീസിൽ നിന്നും വിരമിച്ചവരെ ഫീൽഡ് ഓഫീസർ ആയും നിയമിക്കുന്നു. അപേക്ഷകർ പത്താം ക്ലാസ്സ് പാസായവരും കോഴിക്കോട് പോസ്റ്റൽ ഡിവിഷൻ പരിധിയിൽ സ്ഥിരതാമസമുള്ളവരുമായിരിക്കണം. മുൻ ഇൻഷുറൻസ് ഏജന്റുമാർ, ആർ.ഡി ഏജന്റുമാർ, വിമുക്ത ഭടന്മാർ, കമ്പ്യൂട്ടർ പരിജ്ഞാനമുള്ളവർ എന്നിവർക്ക് മുൻഗണന.
അപേക്ഷകർ ബയോഡാറ്റ ( മൊബൈൽ നമ്പറും വയസ്സ് , യോഗ്യത , മുൻപരിചയം എന്നിവ തെളിയിക്കുന്ന രേഖകളും സഹിതം ) postalr@gmail.com എന്ന ഇ മെയിലിലേക്ക് അയക്കണം.
കോവിഡ് മാനദണ്ഡങ്ങൾ പാലിച്ച് ഇന്റർവ്യൂ നടത്തേണ്ടതിനാൽ ഇന്റർവ്യൂ തിയ്യതി അപേക്ഷകരെ അറിയിക്കുന്നതാണ് .
തെരെഞ്ഞെടുക്കപ്പെടുന്നവർ 5000 രൂപയുടെ എൻഎസ്‌സി /കെവിപി ആയി സെക്യൂരിറ്റി ഡെപോസിറ്റ് കെട്ടി വെക്കേണ്ടതാണ്.
അപേക്ഷകൾ ലഭിക്കേണ്ട അവസാന തീയതി മേയ് 5.