സ്കിൽഡ്, അൺ സ്കിൽഡ്, സെമി സ്കിൽഡ് എന്നീ വിഭാഗങ്ങളിലെ വിവിധ തസ്തികകളിലായി 1679 ഒഴിവുകൾ റിപ്പോർട്ട് ചെയ്തിട്ടുണ്ട്. എട്ടാം ക്ലാസ്
യോഗ്യത മുതൽ പ്ലസ്ടു, പി.ജി.ഡി.സി.എ യോഗ്യത
വരെയുള്ളവർക്ക് അപേക്ഷിക്കാം.
കേന്ദ്ര സർക്കാർ സ്ഥാപനമായ ബ്രോഡ്കാസ്റ്റ്
എഞ്ചിനീയറിങ് കൺസൾട്ടന്റ്സ് ഇന്ത്യ ലിമിറ്റഡിലെ ഒഴിവുകളിലേക്ക് അപേക്ഷ ക്ഷണിച്ചു. 1679
ഒഴിവുകളാണുള്ളത്. താൽപ്പര്യമുള്ള ഉദ്യോഗാർത്ഥികൾ
ഏപ്രിൽ 20ന് മുമ്പ് അപേക്ഷിക്കുക.
സ്കിൽഡ്, അൺ സ്കിൽഡ്, സെമി സ്കിൽഡ് എന്നീ വിഭാഗങ്ങളിലെ തസ്തികകളിലാണ് ഒഴിവുള്ളത്.
തെരഞ്ഞെടുക്കപ്പെടുന്ന ഉദ്യോഗാർത്ഥികൾക്ക്
ട്രെയിനിംഗ് കോഴ്സുണ്ടാകും. ട്രെയിനിംഗ് കോഴ്സ് വിജയകരമായി പൂർത്തീകരിക്കുകയും 50
ശതമാനത്തിൽ കുറയാതെ മാർക്ക് നേടുന്നവർക്കും വിവിധ
സർക്കാർ പ്രോജക്ടുകളിൽ നിയമനം ലഭിക്കും. കരാർ അടിസ്ഥാനത്തിലായിരിക്കും നിയമനം.
സ്കിൽഡ് മാൻ പവർ- ഇലക്രിക്കൽ, വയർമാൻ തുടങ്ങിയ ട്രേഡുകളിലുള്ള ഐ.ടി.ഐ ആണ് അപേക്ഷിക്കാനുള്ള യോഗ്യത.
എൻ.സി.വി.ടി, എസ്.സി.വി.ടി എന്നിവയിൽ
രജിസ്റ്റർ ചെയ്തിട്ടുള്ളവരായിരിക്കണം. ഇലക്ട്രിക്കൽ മേഖലയിൽ രണ്ട് വർഷത്തിൽ
കുറയാത്ത പ്രവൃത്തിപരിചയമുള്ളവർക്ക് അപേക്ഷിക്കാം.
അൺ സ്കിൽഡ് മാൻ പവർ- ഏതെങ്കിലും സംസ്ഥാന ബോർഡിന്റെ
കീഴിൽ എട്ടാം ക്ലാസ് പഠിച്ച പാസായവർക്ക് ഈ തസ്തികയിലേക്ക് അപേക്ഷിക്കാം.
ഇലക്ട്രിക്കൽ വിഭാഗത്തിൽ ഒരു വർഷത്തിൽ കുറയാത്ത പ്രവൃത്തിപരിചയമുണ്ടായിരിക്കണം.
സെമി സ്കിൽഡ് മാൻപവർ- പന്ത്രണ്ടാം ക്ലാസ് ജയമാണ്
അപേക്ഷിക്കാനുള്ള അടിസ്ഥാന വിദ്യാഭ്യാസ യോഗ്യത. ഇതിന് പുറമെ ഒരു വർഷത്തെ ഡി.സി.എ, പി.ജി.ഡി.സി.എ കോഴ്സുകളും പാസായിരിക്കണം. ഇംഗ്ലീഷ്, ഹിന്ദി എന്നീ ഭാഷകളിലുള്ള ടൈപ്പിംഗ് ആറിഞ്ഞിരിക്കണം. കൂടുതൽ വിവരങ്ങൾക്കായി
വിജ്ഞഞാപനം കാണുക.
താൽപ്പര്യമുള്ള നിശ്ചിത യോഗ്യതകളുള്ള
ഉദ്യോഗാർത്ഥികൾക്ക് ബെസിലിന്റെ ഔദ്യോഗിക വെബ്സൈറ്റായ https://www.beciljobs.com സന്ദർശിച്ച് ഓൺലൈനായി അപേക്ഷ സമർപ്പിക്കാം. വിദ്യാഭ്യാസ യോഗ്യത തെളിയിക്കുന്ന
സർട്ടിഫിക്കറ്റുകൾ, രണ്ട് പാസ്പോർട്ട് സൈസ് ഫോട്ടോ, പാൻ കാർഡ്, സ്വന്തമായി അറ്റസ്റ്റ് ചെയ്ത ആധാർ കാർഡിന്റെ കോപ്പി
എന്നിവ അപേക്ഷയോടൊപ്പം അപ്ലോഡ് ചെയ്യുക.
ജനറൽ, ഒ.ബി.സി, വിഭാഗക്കാർക്ക് 590 രൂപയാണ് അപേക്ഷാ ഫീസ്. എസ്.എസി, എസ്.ടി, ഭിന്നശേഷിക്കാർ എന്നിവർക്ക് 295 രൂപയാണ് ഫീസ്. എഴുത്ത് പരീക്ഷയുടെയും അഭിമുഖത്തിന്റെയും
അടിസ്ഥാനത്തിലായിരിക്കും നിയമനം. അതത് തസ്തിക അനുസരിച്ച് 16,000 രൂപ മുതൽ 37,500 രൂപ വരെ ശമ്പളത്തിൽ നിയമനം ലഭിക്കും.